الرئيسيةhomeاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 رمضان جانا

اذهب الى الأسفل 
كاتب الموضوعرسالة
ayaaaaaa
زائر طياري
زائر طياري


عدد الرسائل : 2
المهنة :
أنت(ي) :
الهواية :
أوسمة :
تاريخ التسجيل : 20/08/2008

مُساهمةموضوع: رمضان جانا   الإثنين أغسطس 25, 2008 11:23 am

ليالى الاقبال على الله ... قادمه إلينا فاتحه ذراعين الاقبال والعبادات
قلبك مستعد ؟؟؟؟
فعلاً مستعد

طيب مستعد تبكى من خشية الله ؟؟؟

رمضان بيخبط ...

انا نفسي كل واحد اول حاجه يعملها ركعتين شكر او سجدة شكر او حتى يعزم ان يكون في ورده اليومي جزء خاص للحمد

الحمد الله

الحمد الله الي امهلك وصبر عليك 12 شهر

12 شهر وانت بتعصاه

12 شهر نفضت كل العهود الي عاهدت بيها رمضان في رمضان الي فات

فاكر اول ماقولت انت حاتسيب المعصيه الفلانيه

وهتواظب على الورد القرءاني

وهتواظب على قيام الليل

12 شهر معاصي ليل ونهار
12 شهر وانت غافل عنه

وهو سبحانه وتعالى يمهلك ويتودد اليك

مش كفايه بُعد ؟؟؟
مش كفايه غفله ؟؟

رمضان دا يمكن فرصتك الأخيره


الاهي ان عظمت ذنوبي فقليل عفوك أعظم
فاغفرلي بقليل عفوك عظيم ذنوبي
الاهي ان رحمتك وسعت كل شيء
وانا اقل واقل من الشيء
فارحمني برحمتك الواسعة يالله
الاهي ان تعذبنا فانا عبادك
وان تغفر فانك انت الغفور الرحيم



اخوانى ** اخواتى
رمضااااااااااااااانا جاناااااااااااااا وفرحنا به بعد غيابه اهلا رمضان
اخيرا جه رمضان شهر جميل جميل جميل يا ريت السنه كلها رمضان
رمضان مليان بحاجات كتير مبهجه وحاجات جميله
رحمة ----- ----مغفره---- ---عتق من النار
فوانيس-----------زينه والوان ------- -----كركديه وتمر هندى وخشاف
رمضان مليان عندنا بطاعات وعبادات وعرف وتقاليد
سبحان الله



عارفه ان كلنا قرأنا كتير فى اهميه العباده فى رمضان والطاعات وكل الكلام الرائع اللى اخوانا واخواتنا بيتكلموا فيه لكن النهارده انا جايه اتكلم عن شويه حاجات ببساطه
لان رمضان كريم
وكريم يعنى كله كرم وخير وتراحم وأكل

واحلى حاجه بقه العزوماااااااااااااااااااااات
وهنعزم عمو عماد وطنط سعاد
وخالو سعيد وطنط ميمى وولادهم
وهعزم كمان اختى عطيات ووولادها
الا هى مين طنط عطيات دى !!!!!!!!!! !!!!!
وساعتها ...متفكرش فى المصاريف ده رمضان كريم والخير كتير وبعدين ده واجب وكده ميصحش عاده بقه ربنا يدينا العمر ونعملها علطول دى برضو عطيات مش اى حد يعنى و كل سنه وانت طيب
هما بيعزمونا ولازم احنا كمان نعزمهم ونكون اكرم منهم

دى ميمى لما عزمتنا رمضان اللى فات بدعت وصنفت لازم انا كمان اوريها ازاى انا ممكن اصنف واهو نتلم مع بعضينا وصله رحم وكده


يااخويا ياللى لسه الاغانى جزء هام من حياتك

ياللى بتشرب سجاير بعد الفطار فى رمضان

للاسف انت مُصر على الذنب.

باصرارك.....مش هتبقى تحت الكلام دا


{أُوْلَئِكَ جَزَآؤُهُم مَّغْفِرَةٌ مِّن رَّبِّهِمْ وَجَنَّاتٌ تَجْرِي مِن تَحْتِهَا الأَنْهَارُ خَالِدِينَ فِيهَا وَنِعْمَ أَجْرُ الْعَامِلِينَ }

انا مش بقول نبقى ملايكه

بقول فقط.....مفيش اصرار على اى ذنب.

ياجماعه

خللوا تركيزنا على ان الغفلة نطلقها بالتلاته...او بالاتنين حتى.

والاصرار.....بلا عودة

احنا بنذنب اه....بس مفيش اصرار...لاننا بنحاول نكون دائما بدون غفلة.
{وَالَّذِينَ اجْتَنَبُوا الطَّاغُوتَ أَن يَعْبُدُوهَا وَأَنَابُوا إِلَى اللَّهِ لَهُمُ الْبُشْرَى فَبَشِّرْ عِبَادِ} (17) سورة الزمر


كلام من القلب

يلا من اولها كدا ..
كله يربط الاحزمه ..

انهرده فيه رحله ..

رحله .. صعبه شويه على انفسنا ..

مش رحله للمستقبل لاه ..

رحله للماضي ..

تقريبا هنرجع الزمان اقل من سنه ..


افتكر نفسك السنه ال فاتت كدا لما خلاص اخر ساعات من رمضان و المغرب خلاص هيقول الله اكبر .. وانت قلبك زعلان جدا ..
مش متخيل ان ازاي رمضان ال بستناه من السنه للسنه هيمشي خلاص ..


افتكر ازاي كنت زعلان على الساعه او الدقيقه ال ضاعت منك ف رمضان من غير تخطيط مسبق لها ..
كان احساس قاتل من الحزن فعلا ..
بس انا بقولك من دلوقت ..
لان ان شاء الله

رمضان السنة دي شكل غير عاااااادي

من دلوقت خطط ازاي يومك ف رمضان هيكون ؟؟
مش عاوزين نيجي بعد رمضان حد فينا زعلان على ثانيه ضاعت منه .. او على غلط عمله .. او اي حاجه .. عاوزين نفوز بالكاس

رب ارجعون

هكذا قلتها العام الماضى
بعد ما وجدت الشهر قد مر
ولم اختم القران إلا مرة واحده

وقد كان الصالحون يختمونه بالعشرين مرة
اما انا فانا الخاسر
الذى خاب وخسر
هكذا قولتها
رب ارجعون لعلى اقوم واصوم واقوم ليلة القدر
ولكن ندمت حين لا ينفع الندم
تمنيت ان يعود الشهر
ولكن قول رسول الله فى اذنى لا يزال يتردد
خاب وخسر من ادرك رمضان ولم يغفر له
ولا حول ولا قوة الا بالله
وقال ايضا
جائنى جبريل فقال رغِم انف امرء ادرك رمضان ولم يغفر له
فقلت امين
واحسرتااااااااااااااه
على ما قصرت فى جنب الله
رحل رمضان ولم يتبقى لى الخيبة والخسارة
رحل رمضان ولم يتبقى لى الا رغام الانف والذل
هكذا حقا وجدت عامى كله
حالى طوال العام من سئ الى اسوء
كلما عودت وتبت الى الله انقلب حالى
وشعرت بالذل ورغام الأنف الذى اخبره عنه النبى
فواحسرتااااااااااااااااه
على ما فرطت فى جنب الله
فقد كانت المغفرة قريبه
قال رسول الله صلى الله عليه وسلم
من صام رمضان إيمانا واحتسابا غفر له ما تقدم من ذنبه
من قام رمضان إيمانا واحتسابا غفر له ما تقدم من ذنبه
من قام ليلة القدر إيمانا واحتسابا غفر له ما تقدم من ذنبه
وما فعلت شيئا
فقد مرت علي ايام فى رمضان لم احسن فيها الصيام فنظرت الى عورات النساء فى التلفاز وكنت اصوم عن الطعام واكل لحم اخوانى بالغيبة والنيميه
ومرت على ليالى فى رمضان لم اقم فيها بركعة قيام
هكذا رحل رمضان
ولكن الان جاء الامل من جديد
فاللهم بلغنا رمضان وتقبله منا
امين


اخي .. اختي احذروا الشياطين في الايام الباقيه على رمضان ؟؟

لان خلاص كلها كام يوم و الشيطان يتحبس .. فتلاقيه دلوقت بيشتغل تمام اوي .. زي ما شيخنا الفاضل محمد حسين يعقوب ربنا يكرمه قال .. الشيطان بيشتغل كويس اوي ف شعبان و شوال ..

احذروا الشيطان يا جماعه .. احذروا يكون دخلكم من اي جهه و احنا مش حاسيين ..
استعدادنا كويس لرمضان الحمدلله .. لكن احذر كيد الشياطان يوقعك في معصيه تعكر عليك صفو اول ايام في رمضان ..

غالبيه الجوانب ال ممكن يدخلنا منها ..

يوقعك في غيبه .. يوقعك في جدل .. يوقعك في سماع اغنيه .. يوقعك في ضيق تلاقي قلبك فيه ضيق ..
و ممكن اوي يوقعك في معصيه انت مش بتعملها خااااااااالص .. تلاقي نفسك وقعت فيها اليومين دول .. ليه لانه شغال تمام ..

يارب احفظنا من كيد الشياطين و مردتها اللهم امين ..

الواجب علشان نتغلب على كيد الشيطان الاستغفار .. الحاجه ال تقدر بيها فعلا على كيد الشيطان ..

جزاكم الله خير ..دي حاجه بسيطه حبيت الفت الانظار لها في اليومين ال باقيين على رمضان .. بلغني الله و اياكم شهرنا الفضيل و جعلنا فيه من عتقائه من النيران .. اللهم امين ..

اكرمكم الله جميعا



اللـــــــ بلــــ رمضان ـــــغنا ـــــــهم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رمضان جانا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية الهندسة بشبين الكوم - جامعة المنوفية :: القسم الاسلامي :: واحة رمضان-
انتقل الى: